TI kufanya shoo kubwa srengeti Fiesta Dar es Salaam

MSANII wa Kimarekani anayejulikana kwa jina la Clifford Joseph ‘TI’, anatarajiwa kufanya shoo ya pamoja na wasanii 16 wa Tanzania katika fainali za tamasha la Serengeti Fiesta zinazotarajiwa kufanyika Oktoba 18, mwaka huu jijini Dar es Salaam.

Akizungumza na waandishi wa habari jijini jana, meneja masoko wa kampuni ya bia ya Serengeti (SBL), ambao ndiyo wadhamini wakuu, Ephrahim Mafuru alisema ilichukua muda mrefu msanii huyo kukubali kuja nchini baada ya kusikia kuwa Bara la Afrika limeandamwa na ugonjwa wa ebola.

Mafuru alisema wahusika waliotumwa kufuatilia ujio wa msanii huyo, walilazimika kumuelewesha vizuri juu ya ugonjwa huo na kumtajia baadhi ya nchi ambazo umefika.

“Tumeshukuru makubaliano na msanii huyu yalifanyika vizuri na amekubali itakuwa mara yake ya kwanza kuja Afrika, matarajio yetu wasanii wa Tanzania watajifunza vitu mbalimbali kutoka kwake, mbali na huyo wapo wasanii wengine kutoka nchi za jirani  ambao watakuwepo,” alisema Mafuru.

Wakati huo huo msimamizi mkuu wa tamasha hilo, Ruge Mutahaba alisema mwaka huu yamefanyika mabadiliko kwa kupunguza idadi ya wasanii wa Tanzania, ambapo badala ya 40 kama mwaka jana watakuwa 16.

MSANII wa Kimarekani anayejulikana kwa jina la Clifford Joseph ‘TI’, anatarajiwa kufanya shoo ya pamoja na wasanii 16 wa Tanzania katika fainali za tamasha la Serengeti Fiesta zinazotarajiwa kufanyika Oktoba 18, mwaka huu jijini Dar es Salaam.

Akizungumza na waandishi wa habari jijini jana, meneja masoko wa kampuni ya bia ya Serengeti (SBL), ambao ndiyo wadhamini wakuu, Ephrahim Mafuru alisema ilichukua muda mrefu msanii huyo kukubali kuja nchini baada ya kusikia kuwa Bara la Afrika limeandamwa na ugonjwa wa ebola.

Mafuru alisema wahusika waliotumwa kufuatilia ujio wa msanii huyo, walilazimika kumuelewesha vizuri juu ya ugonjwa huo na kumtajia baadhi ya nchi ambazo umefika.

“Tumeshukuru makubaliano na msanii huyu yalifanyika vizuri na amekubali itakuwa mara yake ya kwanza kuja Afrika, matarajio yetu wasanii wa Tanzania watajifunza vitu mbalimbali kutoka kwake, mbali na huyo wapo wasanii wengine kutoka nchi za jirani  ambao watakuwepo,” alisema Mafuru.

Wakati huo huo msimamizi mkuu wa tamasha hilo, Ruge Mutahaba alisema mwaka huu yamefanyika mabadiliko kwa kupunguza idadi ya wasanii wa Tanzania, ambapo badala ya 40 kama mwaka jana watakuwa 16.