Friday, July 29, 2016

NGOs ITAKAZOGAWIA MASHOGA KY JELLY KUFUTIWA USAJILI


http://mtanzania.co.tz/wp-content/uploads/2016/07/Ummy-Mwalimu1.jpgMASHIRIKA yasiyo ya kiserikali (NGOs) ambayo yatabainika kuwa yanaendelea na miradi ya kusambaza vilainishi kwa wanaume wanaojihusisha na mapenzi ya jinsia moja nchini yatafutiwa usajili wake.
Waziri wa Afya, Maendeleo ya Jamii, Jinsia, Wazee na Watoto, Ummy Mwalimu (Pichani) aliandika hivyo kupitia ukurasa wake wa mtandao wa ‘facebook’ na kusisitiza kuwa serikali italisimamia kikamilifu suala hilo.
“Sijapiga marufuku  matumizi ya vilainishi. Ukweli, Nimepiga marufuku mashirika yasiyo ya kiserikali (NGOs) kununua na kusambaza vilainishi kwa wanaume wanaojihusisha na mapenzi na wanaume wenzao. Sababu nimeshazieleza,” aliandika.
Aliongeza “Na nafurahi kuwajulisha kuwa tayari baadhi ya Mashirika hayo yameanza kutekeleza agizo hili kwa kuanza kuondoa vilainishi kwenye miradi yao. Nayapongeza sana. Niendelee kuyataka mashirika mengine kutii agizo hili ambalo tutalisimamia kikamilifu.
“Serikali haitasita kuchukua hatua ikiwemo kuyafutia usajili mashirika yanayoendelea na miradi ya kusambaza vilainishi kwa wanaume wanaojihusisha na mapenzi ya jinsia moja,” alisisitiza.
https://1.bp.blogspot.com/-rPfgA8IjAcw/V5MHl3v7icI/AAAAAAABL04/5Ehtl9fWqiAKKGEBvrcB34zhwZ6NN3f2ACLcB/s1600/ky.jpg 
Aliyataka mashirika hayo kushirikiana na serikali kupambana na maambukizi ya virusi vya Ukimwi kwa kujikita kwenye afua nyingine zinazozingatia sheria za nchi sambamba na mila na desturi zetu watanzania.
Akizungumza Dar es Salaam hivi karibuni, Waziri Ummy alisema serikali imechukua uamuzi huo kwani matumizi ya vilainishi hivyo yanachochea kuongezeka kwa vitendo vya ushoga ambavyo ni kinyume cha sheria za nchi.
“Lengo pia ni kudhibiti maambukizi ya VVU kwa sababu katika   wanaume wanaojihusisha na mapenzi ya jinsia moja, asilimia 23 tayari wana maambukizi hayo.
“Tumebaini baadhi ya wadau wanaotekelezeka shughuli za makundi maalum wamekuwa wakikiuka taratibu za  utendaji na kusambaza vilanishi hivyo. Katika nchi yetu hakuna  sheria inayoruhusu uhusiano wa jinsia moja na kuendelea kusambaza vilainishi hivyo ni kama kuhalalisha vitendo hivyo. Mila na desturi zetu haziruhusu uhusiano huo,” alisema.

KILA MWAKA NCHINI WAGONJWA WAPYA WA SARATANI 45,000 HUGUNDULIKA.


 
Na Mwandishi wetu,Addis Ababa

Ugonjwa wa saratani nchini Tanzania  ni chanzo cha magonjwa na vifo,hivyo inakadiriwa Takribani wagonjwa wapya wa saratani 45,000 hugundulika kila mwaka.

Hayo yamesemwa na Waziri wa Afya,Maendeleo ya Jamii,Jinsia,Wazee na Watoto Ummy Mwalimu katika Mkutano wa 10 wa kupambana na ugonjwa wa saratani ya shingo ya kizazi, matiti na tezi dume barani Afrika unaofanyika nchini hapa.

Waziri Ummy (Pichani) amesema kati ya wagonjwa hao asilimia 38  ni wa saratani ya shingo ya kizazi kwa wanawake, asilimia 14  saratani ya ngozi, asilimia 10  saratani ya matiti na saratani ya tezi ni asilimia 4

Hatahivyo,takribani watu 35,000 hufariki kila mwaka kutokana na magonjwa ya Saratani.

Licha ya changamoto mbalimbali zinazokwamisha jitihada za kukabiliana na magonjwa hayo ikiwemo  uhaba wa Miundombinu ya kutolea huduma za afya, vifaa tiba, Uhaba wa Watumishi wa Afya, rasilimali fedha na gharama kubwa za dawa za matibabu ya saratani,Waziri Ummy amesema Serikali ya Tanzania  imepitisha Sera za Kitaifa na Miongozo mbalimbali ya Kupambana na Saratani, kutoe Elimu kwa jamii na watoa huduma za afya nchini kuhusu Saratani.

Aidha, kuanzishwa kwa huduma za upimaji wa saratani katika Hospitali na vituo vya afya zaidi ya 300 nchini na huduma za Tiba kupitia Hospitali ya Saratani ya Ocean Road.

"Serikali itapanua wigo wa matibabu ya saratani katika Hospitali ya Bugando Mwanza na KCMC, Kilimanjaro. Mipango ya baadae ni huduma hizo pia kutolewa ktk Hospitali ya Rufaa ya Kanda ya Mbeya."hii itapunguza wagonjwa kufuata huduma kwenye hospitali ya saratani ya Ocean Road

Mkutano wa 10 wa Saratani ya shingo ya kizazi, matiti na tezi dume barani Afrika unafanyika kwa kuasisiwa kwa juhudi za wake za Marais wa bara la Afrika.

Mkutano huu unahudhuriwa na Wake wa Marais wa Afrika, Mawaziri wa Afya wa Afrika, Wanataaluma na Wadau wa Maendeleo. Lengo kuu ni kufanya mapitio ya hatua zilizochukuliwa na nchi za Afrika, changamoto zilizopo na kuweka mikakati ya pamoja na ya nchi katika kukabiliana na saratani.

Wakati wa kukabidhiwa uenyekiti wa Umoja wa Wake wa Marais wa Afrika wa Kupambana na saratani ya Shingo ya Kizazi, Matiti na Tezi Dume kutoka kwa Mwenyekiti anaemaliza muda wake, mke wa Rais wa Kenya mama Magreth Kenyatta, Mke wa Waziri Mkuu wa Ethiopia mama Roman Tesfaye Abneh ameleeza masikitiko yake kwa jinsi ambavyo ugonjwa wa saratani unavyoua kuliko hata ugonjwa wa UKIMWI na kifua kikuu. 


Hivyo ameziomba nchi za Afrika kuongeza uwekezaji katika eneo hili hasa kwa kuhakikisha dawa zinakuwepo za kutosha, kuboresha utoaji wa huduma za afya ikiwemo upim├áji na tiba, kuhakikisha nchi zinatoa mafunzo ya Kutosha kwa watumishi  wa afya katika fani hii

NECTA RICHARD: NATAKA KUWA MHANDISI NISAIDIE NCHI YANGU




 Na Veronica Romwald, Dar es Salaam
 
WASICHANA wengi nchini wamekuwa wakiyaona masomo ya sayansi kuwa ni magumu na mzigo mkubwa kwao hali inayotoa nafasi kwa wavulana kuchangamkia masomo hayo ambayo yanatajwa kuwa na fursa nyingi za kiuchumi.
Tumesikia matamko mbalimbali ya viongozi wa ngazi za juu wa serikali wakiwahimiza wasichana kuachana na mtizamo huo hasi kwa kuanza kuyapenda na kujifunza masomo ya sayansi ili nao waje kuwa wataalamu wa fani tofauti tofauti hapo baadae.
Necta Richard ambaye ni mwanafunzi wa kidato cha pili katika Shule ya Sekondari ya Jangwani ni miongoni mwa wasichana walioamua kuitikia wito huo wa kusoma masomo ya sayansi.
Anasema amejipanga kuhakikisha kuwa anafikia ndoto yake ya kuwa Injinia mkubwa wa baadae nchini pindi Mungu atakapomuwezesha kuhitimu masomo yake.
MTANZANIA lilipata fursa ya kuzungumza na Necta punde baada ya kumaliza kuwasilisha hotuba mbele ya Waziri wa Afya, Maendeleo ya Jamii, Jinsia, Wazee na Watoto, Ummy Mwalimu wakati wa maadhimisho ya Siku ya Idadi ya Watu Duniani Julai 11, mwaka huu kwa niaba ya wanafunzi wenzake 150.
Akizungumza, Necta anasema tangu akiwa mdogo amekuwa akitamani kuja kuwa injinia, na kwamba alipoanza kusoma aliweka juhudi katika kujifunza masomo ya sayansi ili kufikia ndoto yake hiyo.
Anasema kwa kuwa aliyapenda masomo hayo kila siku amekuwa akijifunza kwa bidii na kuwasikiliza kwa makini walimu wake ili aweze kupata uelewa mpana zaidi.
“Nataka kuwa injinia mkubwa ili kuisaidia nchi yangu, nimepanga kusoma fani ya ‘Mechatronics’. Hii ni fani inayojumuisha mambo mawili kwa pamoja yaani ‘Mechanical’ na ‘Enginearing’ ambapo nitaweza kupata ujuzi wa vitu vingi kwa wakati mmoja kupitia fani hiyo, nitaweza kujua namna ya kutengeneza magari, kuwa injinia wa masuala ya umeme, kutengeneza vyuma na vitu mbalimbali vya aina hizo,” anasema.
Necta anasema wasichana wanapaswa kuachana na uwoga wa kusoma masomo ya sayansi kwa sababu kuna fursa nyingi za kujikomboa kichumi katika maisha yao ya baadae.
“Sijui kwanini wanaogopa na kuyakimbia masomo ya sayansi, lakini hakuna jambo gumu kikubwa ni kuwekeza katika kujifunza ili kujijengea msingi mzuri wa baadae kwa sababu masomo haya usipoweka msingi hapa awali huko mbele lazima utayaona magumu kwako.
“Nimeambiwa wasichana wengi wanaikimbia fani hii ya ‘Mechatronics’, ndio maana wanaofanikiwa kumaliza ni wanaume peke yao, mimi nataka nivunje rekodi hiyo ya kuwa msichana wa kwanza kusoma fani hiyo,” anasema kwa kujiamini.
Anasema anataka kuvunja rekodi hiyo na kuwa msichana wa kwanza kusoma fani hiyo kwani licha ya wavulana kuisoma hata hivyo bado kuna wataalamu wachache nchini. 
“Kwa msingi huo utaona namna ambavyo fani hii ina fursa nyingi za ajira. Nawashauri wasichana wenzangu wasiyakimbie masomo ya sayansi bali wayapende na kutia juhudi ya kujifunza ili waje kujikomboa kiuchumi hapo baadae,” Anasema.
Pamoja na hayo, Necta anasema wazazi wana jukumu kubwa la kuhakikisha wanawasaidia watoto wao hasa wa kike katika kukabiliana na changamoto mbalimabali wanazokumbana nazo kila siku.
“Mtoto wa kike anakabiliwa na changamoto nyingi kuliko mtoto wa kiume na hili lipo wazi, kwa mfano kuna suala la unyanyasaji wa kijinsia, ukeketaji, ndoa na mimba za utotoni ambazo kiukweli imekuwa ikiwafanya wengi washindwe kutimiza ndoto zao.
“Hivyo wazazi wana jukumu kubwa la kuhakikisha wana walinda watoto wa kike dhidi ya unyanyasaji wa kila aina ili wafikie malengo yao kama ilivyo kwa watoto wa kiume, serikali nayo inapaswa iweke mazingira rafiki kwa watoto wa kike na kuweka sheria za kuwalinda,” anasema.
Anasema serikali inapaswa kukomesha na kuziondoa kabisa mila potofu dhidi ya mtoto wa kike ambazo zimekuwa zikikandamiza haki zao za msingi pamoja na sheria zinazokandamiza haki zao.
“Kwa mfano ile sheria ya ndoa ni vyema wakiifanyia marekebisho kwamba mtoto aolewe angalau akifikisha miaka 18 na si 14 kama ambavyo inasema hivi sasa,” anasema.
Necta anasema anaishukuru serikali na Shirika la Umoja wa Mataifa la Idadi ya Watu (UNFPA) kwa kuwezesha ziara ambayo yeye na wenzake 150 waliifanya kwa kuzunguka katika maeneo mbalimbali kujionea shughuli za kiuchumi.
“Tuliweza kutembelea Hospitali ya Taifa Muhimbili, Chuo Kikuu cha Sayansi na Tiba Muhimbili (MUHAS), kikundi cha kina mama wajasiriamali Kimara ambako kwa kweli tulijifunza vitu vingi vya kitaaluma na kiuchumi ambavyo vilitufungua ufahamu wetu.
"Nawashauri wasichana wenzangu waje wajiunge na katika 'organization yetu ya apps' ambapo watajifunza jinsi ya kutengeneza application mbalimbali ikiwamo website hasa wale walio na umri wa miaka 13 hadi 18 ofisi zetu zipo Kisutu Sekondari au wanipigie kwa namba 0787 106 744,” anasema.

VILAINISHI VILIVYOKAMATWA SHINYANGA VYAJA NA MAPYA


https://3.bp.blogspot.com/-7jXAUipcPSc/V5oHr_EVzBI/AAAAAAAI5FE/zh4N60jyvTs2q8Bv_Xue8RTMnvDkANNJwCLcB/s640/WhatsApp-Image-20160728%25281%2529.jpeg 
Wizara imepokea taarifa kuwa Kamati ya Ulinzi na Usalama wilaya ya Shinyanga imevamia ofisi za shirika la Jhpiego mkoani humo na kukamata baadhi ya watumishi wake kwa madai ya shirika hilo kugawa mafuta maalumu yanayodhaniwa kutumiwa kuhamasisha ngono za jinsia moja. Baada ya taarifa hiyo wizara inapenda kutoa ufafanuzi ufuatao:

Si kweli kwamba shirika la Jhpiego limekuwa likihamasisha ngono baina ya wapenzi wa jinsia moja. Shirika hilo kupitia mradi wa “Sauti” linasaidia serikali katika jitihada za kupambana na maambukizi ya virusi vya UKIMWI kwa makundi yaliyopo kwenye hatari kubwa ya maambukizi. 
Moja ya makundi yanayolengwa ni wanaume wanaofanya ngono na wanaume wenzao. Shirika limekua likitoa elimu ya mabadiliko ya tabia kwa wanaume hao huku likiwapatia mafuta hayo kama sehemu ya kuwasaidia kupunguza hatari ya maambukizi.
Mafuta hayo yaliingizwa nchini kwa kufuata taratibu za kisheria kwa ufadhili wa Mfuko Maalumu wa Rais wa Marekani wa kupambana na maambukizi ya virusi vya UKIMWI (PEPFAR).
Ndugu wanahabari, kama mtakumbuka hivi karibuni Wizara kupitia kwa Waziri wa Afya, Maendeleo ya Jamii, Jinsia, Wazee na Watoto Mhe.Ummy Mwalimu ilisitisha ugawaji wa mafuta hayo maalumu (vilainishi) miongoni mwa makundi hayo maalumu.
Kufuatia agizo hilo, Wizara iliagiza Shirika hilo kukusanya mafuta hayo na kuyarudisha katika ofisi za PEPFAR zilizopo Ubalozi wa Marekani ili yapelekwe katika nchi nyingine zinazofadhiliwa na PEPFAR ambazo matumizi ya mafuta hayo hayajazuiwa.
Ndugu wanahabari, Shirika hilo lilitekeleza agizo la wizara la kukusanya mafuta hayo na kuyaweka katika ofisi zao za kanda, tayari kuyasafirisha kuja jijini Dar es Salaam, ambapo umeandaliwa utaratibu maalumu wa kuyapeleka katika nchi nyingine bila kuyaharibu.
Mnamo tarehe 27 mwezi July, mwaka 2016 Kamati ya Ulinzi na Usalama mkoani Shinyanga ilivamia Ofisi za Shirika hilo na kuchukua mafuta hayo bila kuelewa utaratibu uliotolewa na Wizara wa kukusanya mafuta hayo na kuyarudisha katika ofisi za PEPFAR.
Zoezi hilo la kamati ya Ulinzi na Usalama halikushirikisha wizara ya Afya wala wadau wa sekta ya Afya wilayani humo, ambao wanaelewa vizuri utaratibu uliowekwa na wizara kukusanya mafuta hayo na kuyarudisha mahali husika bila kuyaharibu.
Ndugu wanahabari, tayari Wizara imeshamuandikia barua Katibu Tawala wa Mkoa wa Shinyanga kutaka mafuta hayo yaliyochukuliwa kurudishwa katika ofisi za mradi wa Sauti zilizopo mtaa wa Mwasele, kata ya Kambarage mkoani Shinyanga ili zoezi la kuyakusanya na kuyarudisha Dar es Salaam liweze kuendelea.
Mwisho, Wizara inapenda kuwajulisha kuwa shirika la Jhpiego ni miongoni mwa wadau wakuu wa Serikali ambao wamekuwa wakisaidia huduma mbalimbali za Afya nchini ikiwemo kusaidia ujenzi wa vituo vya afya, kupambana na maambukizi ya virusi vya UKIMWI, kuboresha Afya ya mama na mtoto na Uzazi wa Mpango kwa zaidi ya miaka kumi sasa. Hivyo serikali imeridhia shirika hilo kuendelea kutoa huduma mbalimbali za afya bila kutumia mafuta hayo.
Imetolewa na:
Michael O. John
Kaimu Katibu Mkuu,

MUHIMBILI YAWAZAWADIA WAFANYAKAZI BORA 53 CHETI, FEDHA



Na Mwandishi Maalumu, Dar es Salaam
HOSPITALI ya Taifa Muhimbili (MNH) leo imefanya hafla fupi ya kuwakabidhi cheti wafanyakazi bora 53 waliochaguliwa kati ya 3200.
Akizungumza katika hafla hiyo, Kaimu Mkurugenzi wa MNH, Profesa Lawrence Museru alisema wafanyakazi hao walifanya vyema mwaka 2015/16.
Mbali ya cheti hicho wafanyakazi hao pia wamepewa fedha kiasi cha Sh. 500,000 kama motisho ili wazidi kufanya kazi kwa bidii kuongeza mafanikio ya hospitali hiyo katika kuhudumia wagonjwa.
 


 Furaha isiyo kifani, goti mpaka chini.
 Hongera sana mama
Mmefanya kazi nzuri mno

  Washiriki wakifuatilia jambo kwa makini

DEREVA WA UDA AJALI YA TRENI AELEZA ILIVYOKUWA




Na Mwandishi Maalumu, Dar es Salaam
DEREVA wa basi la UDA lenye namba za usajili T. 696 CVB ambalo liligonga treni juzi na kusababisha kifo cha mtu mmoja papo hapo na majeruhi zaidi ya 20, Majuto Hamis (PICHANI) amefunguka na kuzungumzia tukio hilo.
Akizungumza na matukionamaisha katika wodi 2B iliyoko kwenye jengo jipya la Taasisi ya Tiba ya Mifupa na Mishipa ya Fahamu (MOI) ambako amelazwa kwa ajili ya kupata matibabu, alisema ilikuwa ajali mbaya mno.
“Sikutegemea…ilikuwa ni usiku wa saa tatu nilikuwa nimepakia abiria wangu wapatao 40 tulikuwa tunatoka Kariakoo kunaelekea Mbagala lakini safari yetu iliishia pale eneo la Kamata na sasa nipo MOI nikiwa nimevunjika miguu yangu yote miwili.
“Jambo ambalo nakumbuka, katika eneo lile, hakuna kielelezo chochote kinachomtaarifu dereva kuwa mbele yake kuna reli inakatisha kwenye barabara hivyo aendeshe kwa uangalifu.
“Sasa mchana huwa ni rahisi kujua kama kuna treni inakatisha maana kunakuwa na nuru tofauti na usiku kwani huwa kuna giza,” alisema.
Hamis alisema kwa kuwa hakuna alama ya kiashirio kwenye eneo hilo, alijisahau kibinadamu na kwamba alishtuka tayari ajali imetokea.
“Sikukumbuka kabisa nikawa naendelea na safari ghafla tukawa tayari tumekutana na treni ile na kupata ajali,” alisema kwa masikitiko.
Alisema hadi sasa hajui iwapo kondakta wake alisalimika katika ajali hiyo ingawa amesikia wengi walijeruhiwa.
“Naiomba serikali hasa Kikosi cha Usalama Barabara waende katika eneo lile wakaweke kibao ili ajali nyingine zisiendelee kutokea, tena ingefaa zaidi katika maeneo ambako reli inakatisha barabara pawe na mageti wakati treni inakatisha wafunge kwa muda,” alisema.
Ofisa Uhusiano wa MOI, Patrick Mvungi alisema walimpokea Hamis na majeruhi wengine baada ya kupatiwa srufaa toka Hospitali ya Taifa Muhimbili (MNH).
“Tuliwapeleka moja kwa moja katika chumba cha dharura na sasa wanapatiwa matibabu wodini,” alisema.
Naye Ofisa Uhusiano wa MNH Neema Mwangomo alisema hadi kufikia jana tangu aAjali hiyo itokee walipokea majeruhi 49.
“Majeruhi 19 walitibiwa na kuruhusiwa, 22 walipelekwa MOI hivyo MNH tumebaki na wanane,” alisema.

U17 MADAGASCAR KUIJARIBU SERENGETI BOYS KESHO

Timu ya Taifa ya Mpira wa Miguu ya vijana wenye umri wa chini ya miaka 17 ya Madagascar kesho Jumamosi Julai 30, 2016 itacheza mchezo wa kirafiki wa kimataifa dhidi ya Serengeti Boys ya Tanzania kwenye Uwanja wa Taifa wa Madagascar.
Serengeti Boys imepiga kambi jijini Antananarivo, Madagascar kujiandaa kucheza na Afrika Kusini katika mchezo wa awali kuwania nafasi ya kucheza fainali za Kombe la Mataifa ya Afrika utakaofanyika Agosti 6, 2016. Mchezo wa marudiano utafanyika Agosti 21, mwaka huu kwenye Uwanja wa Azam, ulioko Chamazi-Mbagala, nje kidogo ya jiji la Dar es Salaam.

Taarifa kutoka kwa mkuu wa msafara Ayoub Shaibu Nyenzi ambaye ni Mwenyekiti wa Kamati ya Soka la Vijana, zinasema mchezo huo ni muhimu na Kocha Kocha Mkuu, Bakari Nyundo Shime au Mchawi Mweusi, amesema kwamba amefurahi kupata nafasi hiyo huku Daktari wa timu hiyo, Shecky Francis Mngazija akithibitisha kwmaba vijana hao wako salama.
Nyota walioko kambini ni pamoja na makipa, Ramadhani Awm Kabwili, Kelvin Deogratius Kayego na Samwel Edward Brazio wakati mabeki wako Kibwana Ally Shomari, Nickson Clement Kibabage, Israel Patrick Mwenda, Dickson Nickson Job, Ally Hussein Msengi, Issa Abdi Makamba na Enrick Vitalis Nkosi.
Viungo ni Kelvin Nashon Naftal, Ally Hamisi Ng’anzi, Asadi Ali Juma Ali, Syprian Benedictor Mtesigwa, Ibrahim Abdallah Ali, Shaban Zuberi Ada huku washambuliaji wakiwa ni Mohammed Abdallah Rashid, Yohana Oscar Mkomola na Muhsin Malima Makame.
Serengeti Boys inakwenda kucheza na Afrika Kusini baada ya kuwatoa Shelisheli kwa jumla ya mabao 9-0 katika mechi zake mbili za kimataifa. Mshindi wa jumla kati ya Serengeti Boys na Afrika Kusini, atacheza na timu mshindi kati ya Namibia na Congo-Brazaville.
Hivi karibuni Serengeti Boys ilifanya ziara India ambako walishiriki mashindano ya vijana ya Kimataifa yanayotambuliwa na FIFA (AIFF International Youth Tournament 2016) kabla ya kurudi na rekodi ya kupigiwa mfano si tu katika Tanzania na kwa nchi za Afrika Mashariki. Ilishika nafasi ya tutu nyuma ya Korea Kusini na Marekani.

MAZOEZI MAKALI YANAENDELEA KATIKA KAMBI YA SUPER D COACH


Mabondia Faraji Sayuni kushoto na Hassani Kiwale wakioneshana umwamba wa kutupiana makonde wakati wa mazoezi yao yanayoendelea katika kambi ya Super D Coach Uhuru GYM Kariakoo mabondia wote hawo watapanda uringoni agost 8 katika ukumbi wa kobelo pub manzese Dar Es salaam Picha na SUPER D BOXING NEWS

 Bondia Hassani Kiwale kushoto akioneshana umwamba wa kutupiana makonde na Faraji Sayuni wakati wa mazoezi yao yaliyofanyika katika kambi ya Super DCoach Uhuru GYM Kariakoo Dar es salaam mabonda hawo watapanda uringoni Agost 8 kuwakabili wapinzani wao katika ukumbi wa kobelo pub manzese Dar Es salaam Picha na SUPER D BOXING NEWS

Bondia Hassani Kiwale kushoto akioneshana umwamba wa kutupiana makonde na Faraji Sayuni wakati wa mazoezi yao yaliyofanyika katika kambi ya Super DCoach Uhuru GYM Kariakoo Dar es salaam mabonda hawo watapanda uringoni Agost 8 kuwakabili wapinzani wao katika ukumbi wa kobelo pub manzese Dar Es salaam Picha na SUPER D BOXING NEWS

Kocha wa Kimataifa wa Mchezo wa masumbwi nchini Rajabu Mhamila 'Super D' katikati akiwasimamia mazoezi mabondia Faraji Sayuni kushoto na Hassani Kiwale wakati ya mazoezi yao yanayoendelea katika kambi ya Super D coach Uhuru GYM Kariakoo Dar Es Salaam 


Na Mwandishi Wetu
MPAMBANO wa ubingwa wa taifa wa kg 57 utagombaniwa na mabondia Kais Rashidi Na Faraji Sayuni siku ya Agost 8 katika ukumbi wa Kobelo Pub Manzese Dar Es Salaam  

mpambano uho wa raundi kumi za ubingwa umeratibiwa na Promot Miraji Uliza ambapo kutakuwa na mapambano mengine mbalimbali ya mchezo wa masumbwi nchini

mabondia wengine watakaopanda siku hiyo ni Abdallah Pazi atakaezipiga na Said Mkone wakati godrack Mrema atakumbana na Hassani Kiwale wakati Omari Uliza atazipiga na Bruno Fadhili na Said Jelemi atamkabili Azizi Kondo na Saleh Mkalekwa atacheza na Salum Ngula na Azizi Uliza atacheza na Mohamed Matimbwa

pamoja na mapambano mengine mengi

Katika Mchezo huo kutakua na Uuzwaji wa DVD za mafunzo ya mchezo wa ngumi pamoja na kutambua sheria zake mbalimbali zitakazokua zikisambazwa na kocha  'Super D' kwa ajili ya kuwapa mabondia mbalimbali mbinu za mchezo na mashabiki kujua sheria za masumbwi.


Ndani yake wakiwemo mabondia Floyd Mywether, Manny Paquaio, Amiri Khani, Mohamedi Ali, Mike Tayson David Haye na wengine ambapo kutakuwa na matukio ya mazoezi yao katika mataifa yao ikumbukwe kuwa ni mabingwa wa dunia. na kutakuwa na mapambano makubwa matano ya utangulizi


--

Super D Boxing Coach

Email.superdboxingcoach@gmail.com

www.superdboxingcoach.blogspot.com
www.burudan.blogspot.com Mob;+255787 406938
        +255713 406938
        Po.Box. 15493
Dar es Salaam Tanzania

MAKONDA, MALINZI KUPAMBA UZINDUZI AIRTEL RISING STARS KESHO

Mkuu wa Mkoa wa Dar es Salaam, Paul Makonda kesho Jumamosi Julai 30, 2016 anatarajiwa kuwa mgeni rasmi kwenye uzinduzi wa mashindano ya kuibua na kukuza vipaji vya mpira wa miguu kwenye Uwanja wa Kumbukumbu ya Karume ulioko kwenye makutano ya Barabara za Uhuru na Shaurimoyo, Ilala jijini Dar es Salaam.
Sambamba na Makonda, Rais wa Shirikisho la Mpira wa Miguu Tanzania (TFF), Jamal Malinzi naye amethibitisha kuwako kwenye hafla hiyo ambayo mchezo wa kwanza utazikutanisha timu za Ilala Boys dhidi ya Bombom Ilala, Dar es Salaam. Inawakilishwa na mikoa yote mitatu kisoka ambayo ni Ilala, Kinondoni na Temeke kwa pande zote mbili za wavulana na wasichana.

Kadhalika, wakuu wa mikoa mingine ambayo mashindano hayo yatafanyika nao watakuwa wageni rasmi katika mikoa yao ambayo ni Mbeya, Mwanza na Morogoro kwa upande wa wavulana pia Arusha, Lindi na Zanzibar kwa upande wa wasichana.

PROPERTY INTERNATIONAL WADHAMINI TAMASHA LA UZINDUZI WA KITABU CHA SAFARI YA SOKA NCHINI, WATANI WA JADI YANGA, SIMBA, MABALOZI KUUMANA

 Mkurugenzi wa Fedha wa Property International Hashim Thabiti (wa pili kushoto) akimkabidhi Jezi zitakazotumika katika Tamasha hilo Naohodha wa timu ya Wachezaji wa zamani wa Yanga, Mohamed Hussein 'Machinga', wakati wa mkutano na waandishi wa habari kuhusu Tamasha hilo litakalofanyika Jumamosi hii Uwanja wa Uhuru, jijini Dar es Salaam. Katikati ni Balozi wa Algeria nchini Tanzania, Saad Balabed (kushoto) ni Afisa Mwendeshaji Mkuu wa Property International, George Obada na (kulia) ni Mratibu wa Tamasha hilo, Bahari Camari.
 Mkurugenzi wa Fedha wa Property International Hashim Thabiti (wa pili kushoto) akimkabidhi Jezi zitakazotumika katika Tamasha hilo Naohodha wa timu ya Wachezaji wa zamani wa Simba, Moses Mkandawile, wakati wa mkutano na waandishi wa habari kuhusu Tamasha hilo litakalofanyika Jumamosi hii Uwanja wa Uhuru, jijini Dar es Salaam. Katikati ni Balozi wa Algeria nchini Tanzania, Saad Balabed (kushoto) ni Afisa Mwendeshaji Mkuu wa Property International, George Obada na (kulia) ni Mratibu wa Tamasha hilo, Bahari Camari.
 Balozi wa Algeria nchini Tanzania, Saad Balabed (kulia) amkimkabidhi Tisheti Kipa wa zamani wa Simba, Mohamed Mwameja, zitakazotumika kufanyia mazoezi siku ya Tamasha. (wa pili kushoto) Katikati ni Afisa Habari wa Property, Saleh na Afisa Mwendeshaji Mkuu wa Property International, George Obada.
 Balozi wa Algeria nchini Tanzania, Saad Balabed, akizungumza na waandishi wa habari na baadhi ya wachezaji wa zamani wa Vilabu vya Yanga na Simba, kuhusu Tamasha la jumamosi katika Uwanja wa Uhuru.
Na Ripota wa Sufianimafoto Blog,Dar
KAMPUNI ya Property International Ltd imedhamini bonanza la uzinduzi wa kitabu cha soka cha Safari ya Soka la Tanzania litakalofanyika Jumamosi hii kwenye Uwanja wa Uhuru jijini Dar es Salaam.
Katika bonanza hilo la uzinduzi wa kitabu hicho litaambatana na maadhimisho ya sherehe za miaka 54 ya uhuru wa Algeria, ambalo litahudhuriwa na Waziri wa Habari Michezo na Utamaduni, Nape Nauye ambaye ataongozana na Waziri wa Mambo ya Ndani Mwigulu Nchemba.
Katika Bonanza hilo pia kutakuwa na mechi kadhaa ikiwemo maveterani wa timu za Simba na Yanga, mechi za vyombo vya habari pamoja na mabalozi wa nchi mbalimbali nchini Tanzania wataungana na kucheza na maveterani wa Simba na Yanga. KUSOMA ZAIDI BOFYA READ MORE

Thursday, July 28, 2016

PHOTO OF AFRICAN LEADERSHIP FORUM 2016 IN DAR ES TANZANIA


 FORMER PRESIDENT OF SOUTH AFRIKA THABO MBEKI



FORMER PRESIDENT OF MOSAMBIQUE JOACHIM CHISSANO




CCM YATAMBA KUVUNJA UKUTA YA UKAWA




Japanese Teachers visit Tanzania for Development Education Study







Eight (8) school teachers from different schools in Japan are currently visiting Tanzania as part of JICA’s Development Education Study Programme for teachers.
In this programme, the teachers will observe and study the activities of JICA experts and Japan Overseas Cooperation Volunteers (JOCV) as well as observing the people’s life in Tanzania in general. In addition the visit will provide the teachers with opportunities to think about the current situations and issues of developing countries (especially in sustainable development) and have a sense of responsibility as one of the inhabitants of this world.  Moreover through the programme networks between the Japanese children and the Tanzanian people will be created.
After their return to Japan, the teachers will disseminate their impressions to their students at their schools thus helping to  deepen the friendship between the Japanese and the Tanzanian people.
Before the conclusion of their visit, JICA Tanzania Office has organised a press conference during which the media will get opportunity to interview the teachers on what they saw and felt about Tanzania and what they will disseminate to their pupils back home in Japan.  The press conference will be held as follows:

Date:
2nd August, 2016
Time:
10:00 am ~ 11:30 am
Venue:
JICA Tanzania Office, 3rd Floor Barclays House, Ohio Street, Dar es salaam

Attachment:
The itinerary of the Teachers and the name list

For more information please contact:
Mr. Raymond Msoffe, JICA Tanzania Office,
Mobile: 0759-049651 E-mail: RaymondMsoffe.TZ@jica.go.jp

The itinerary of the Team and the name list  
 School Teachers from Japan: 2016

Date
 
Time
Programme
Accommodation
25-Jul
Mon
PM
Arriving Dar es Salaam

 
 

Visit JICA Tanzania Office
Dar es Salaam
26-Jul
Tue
AM
JICA Office:



PM
Tazara Junction (JICA Project)
Dar es Salaam
27-Jul
Wed
10:00
Kilangalanga Secondary School
 
 
 
13:00
Move to Morogoro
Morogoro
28-Jul
Thu
8:30
Morogoro Secondary School
 
 
 
14:00
Morogoro Irrigation Office
Morogoro
29-Jul
Fri
AM
TANCAID II  (JICA Project)
  Mvumi Irrigation Scheme
Morogoro
30-Jul
Sat
AM
Mikumi
 
 
 
PM
Morogoro Town
Morogoro
31-Jul
Sun

Move to Dar es Salaam
Dar es Salaam
1-Aug
Mon
AM
SIDO  (JICA Project)



PM
Dar es Salaam city
Dar es Salaam
2-Aug
Tue
AM
Japanese Embassy
 

 

JICA Office
 


PM
Departure for Japan  
 




Name
Organization
Occupation
1
Ms. KOINUMA YUKINO
Kokai Elementary School
Teacher 
2
Ms. TAKAHASHI IKUMI
Syowa Elementary School
Teacher 
3
Mr. TAGO TSUBASA
Tanuma Elememtary School
Teacher 
4
Ms. MURAYAMA MIKI
Toride Second Junior High School
Teacher 
5
Mr. SATO HISATO
Kasama High School
Teacher 
6
Ms. TASAKI AKEMI
Ishioka First High School
Teacher 
7
Mr. NEMOTO RYO
Bando Sogo High School
Teacher 
8
Ms. YAMANAKA NORIKO
Moriya High School
Teacher 
9
Ms. TAKAHASHI YUKO
JICA Tsukuba 
Staff
10
Ms. SHINOHARA MIEKO
JICA Tsukuba 
Staff
11
Mr. TANAKA HAJIME
Japan Overseas Cooperative Association
Staff



JK AWATAKA WASANII WA BONGO MOVIE KUJIONGEZA NA KUACHA KULALAMIKIA SERIKALI

 Rais Mstaaafu wa Awamu ya Nne Dk Jakaya Mrisho Kikwete, akizungumza wakati wa uzinduzi Televisheni  inayoshughulika na masuala ya filamu...